Priten 1 milion besimtarë në ceremoninë e shenjtërimit të dy Papëve

Më së shumti besimtarë priten të vijnë ga Polonia, vendlinja e Papa Gjon Palit të Dytë, ose Karol Wojtyla-s

Papa i Romës, Françesku shpall sot të shenjtë dy papët e e mëhershëm, Papa Gjon Palin II dhe Papa Gjonin XXII. Ky eveniment ka tërhequr qindra mijë besimtarë nga e gjithë bota të cilët ia kanë mësyrë Romës.

Ceremonia do të transmetohet drejtpërdrejt nga shumë medie në mbarë botën.

Në manifestimin më të madh të Kishës Katolike për vititn 2014 më së shumti besimtarë priten të vijnë ga Polonia, vendlinja e Papa Gjon Palit të Dytë, ose Karol Wojtyla-s. Me dhjetëra mijë polakë tashmë kanë mbërritur në Romë për të nderuar bashkatdhetarin e tyre dhe qytetarin e botës, i cili ka qëndruar në kreun e Kishës Katolike të Botës nga viti 1978 deri në vdekje, në vitin 2005.

Në sheshin e Shën Pjetrit ku mbahet ceremonia, pritet të jenë të pranishëm rreth një milion besimtarë. Po ashtu në pjesë të ndryshme të qytetit janë vendosur ekrane të mëdhenj ku qytetarët mund të shikojnë drejtpërdrejt ceremoninë e shenjtërimit të dy papëve.

Në solemnitet pritet të marrin pjesë rreth 150 kardinalë, 1000 ipeshkvinj dhe 6000 priftërinj të tjerë.