Lajme
Prishtinë: Qeveria injoron kongresin e mjekëve shqiptarë të Zvicrës
"Interesimi i mjekëve dhe studentëve të mjekësisë për të marrë pjesë në Swiss Medical School 2022 ka qenë i jashtëzakonshëm", thonë organizatorët
Me rreth 200 pjesëmarrës, sot në Prishtinë ka filluar punën kongresi i parë i Lidhjes së Mjekëve Shqiptarë të Zvicrës. Mirëpo, ajo që bie në sy është mungesa e institucioneve vendore, ndonëse kanë qenë të njoftuara dhe të ftuara me kohë, njoftojnë organizatorët e habitur me këtë qasje të institucioneve vendore, veçmas Ministrisë së Shëndetësisë.
“Nuk kanë shprehur interesim për t‘iu përgjigjur pozitivisht ftesës sonë“, shprehen të zhgënjyer organizatorët e kongresit, raporton albinfo.ch. Megjithatë, mungesa e tyre ka mbetur nën hijen e interesimit të madh të studentëve të mjekësisë, pra të atyre që nesër pritet të marrin rolin e drejtimit të vendit e institucioneve shëndetësore.
Në pikat më të ndjeshme të shoqërisë, aty ku Kosova sot ka krizë thelbësore, parandalimi i ikjes së mjekëve, do të duhej të ishte lart në listën e prioriteteve të qeverisë.
“Interesimi i mjekëve të Kosovës dhe studentëve të mjekësisë për të marrë pjesë në Swiss Medical School 2022 ka qenë i jashtëzakonshëm”, njoftojnë organizatorët, “madje nuk kemi arritur t`i trajtojmë të gjitha kërkesat”.
Kongresi, ndryshe është përshëndetur me një fjalë rasti nga Kryetari i këshillit Drejtues të OMK-së, Dr. Faik Shatri, Oda e Mjekëve të Kosovës dhe Izet Sadiku, drejtori i Shëndetësisë së Komunës së Prishtinës. Ata janë shprehur të hapur për shkëmbimin e përvojave të punës me mjekë shqiptarë të Zvicrës që janë të angazhuar në spitale të njohura zvicerane.
Kështu, angiologu Dr. Naim Mehmeti ka qenë ligjëruesi i parë në këtë organizim. Ai ka referuar mbi rrezikun e tromboembolisë, embolisë pulmore. Dr. Mehmeti ka sjellë para mjekëve dhe studentëve të mjekësisë përvojën e tij të spitaleve zvicerane në trajtimin e embolisë pulmonare.
Pas tij, mbi varësinë nga substancat narkotike, diagnoza dhe trajtimi ka referuar Dr. Valbona Hysenaj-Miftari, kryemjeke. Me Dr. Mentor Bilalin dhe temën diagnoza diferenciale te kolika abdominale, kongresi do t`i vazhdojë pasdite punimet. Kurse Prof. Dr. Florim Cuculi do të paraqitet me temën Insuficienca kardiake, infarkti i miokardit”.
Lidhja e Mjekëve Shqiptarë të Zvicrës ka paraparë një workshop me Prof. Dr. Alban Nezirin, Dr. Afrore Suka Qorolli dhe Dr. Flamur Mushica.
Kongresi do t`i vazhdojë nesër punimet me referimet e mjekëve Bujar Sopi, Afrore Qorolli, Alban Neziri dhe stomatologun Gazmend Haliti.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë