Lajme

Presidenti rus dhe ai turk takohen për bisedime rreth marrëveshjes së grurit

E hënë, 4 Shtator 2023 - 15:40 albinfo.ch
Foto Facebook: Presidency of the Republic of Türkiye

Presidenti i Rusisë, Vladimir Putin dhe ai i Turqisë, Rexhep Tajip Erdogan, janë takuar sot për të diskutuar lidhur me marrëveshjen e grurit. Erdogan dëshiron ta bindë Rusinë të rikthejë marrëveshjen që i lejonte Ukrainës të eksportonte grurë dhe mallra të tjera nga tri porte të Detit të Zi, pavarësisht luftimeve që po zhvillohen në Ukrainë, shkruan Reuters, përcjell albinfo.ch.

Presidenti rus ka theksuar se “ritmi i zhvillimit të marrëdhënieve midis Rusisë dhe Turqisë është ruajtur”, teksa shtoi se vitin e kaluar qarkullimi tregtar midis dy vendeve u rrit për më shumë se 80 për qind.

Muajin korrik presidenti rus ka refuzuar të zgjasë marrëveshjen e grurit me Ukrainën, e cila u ndërmjetësua nga Turqia dhe Kombet e Bashkuara një vit më parë, teksa Rusia u ankua se një marrëveshje paralele që premtonte heqjen e pengesave ndaj eksporteve ruse të ushqimit dhe plehrave nuk ishte respektuar.

 

 Të tjera nga Lajme

BE planifikon uljen e taksave për energjinë elektrike

 E-Diaspora

 Jeta në Austri