Pranvera e vitit 2023 ishte 1,5 °C më e nxehtë se norma në Zvicër

(KEYSTONE/Christian Beutler)

Ndërsa shumë zviceranë mund ta kujtojnë këtë pranverë për motin e saj të zymtë dhe të lagësht, meteorologët raportojnë se temperatura mesatare ishte 1.5 °C më e ngrohtë se norma e fundit e klimës.

Në jug të vendit ishte 2°C më e ngrohtë se mesatarja për periudhën 1961-1990, raportoi SRF Meteo, transmeton albinfo.ch.

Muaji mars ishte veçanërisht i ngrohtë me temperatura rreth 3°C më të nxehta se norma. Më 13 mars, merkuri arriti në 23.4 C në Bazel – një rekord.

Në veri të Alpeve, pranvera 2023 ishte përgjithësisht një histori e zymtë me shumë re dhe shi, tha SRF Meteo.

Zvicra qendrore dhe lindore nuk kishte parë kaq shumë shi për dekada. Për shembull, reshjet rekord të pranverës u regjistruan në kantonin Glarus (500 milimetra).

Në të kundërt, pjesë të kantonit Ticino në jug, si qyteti i Luganos, ishin jashtëzakonisht të thata.

Ekspertët e SRF Meteo thonë se parashikimet e besueshme të motit për këtë verë mund të bëhen vetëm në fund të qershorit ose në fillim të korrikut.