Pranohet kërkesa e Kosovës për blerjen e raketave “Javelin” nga SHBA-ja

Shtetet e Bashkuara të Amerikës kanë pranuar kërkesën e Kosovës për blerjen e raketave anti-tank “Javelin”, ka njoftuar ambasadori i SHBA-së në Serbi, Christopher Hill, gjatë takimit me presidentin serb, Aleksandar Vuçiq.

Sipas tij, Departamenti i Shtetit do ta dërgojë kërkesën e Kosovës në Kongresin Amerikan, i cili do ta fillojë procedurën zyrtare, përcjellin mediat në Serbi.

Presidenti serb ka deklaruar se ky informacion është një zhgënjim i madh për Serbinë, por se së bashku me SHBA-në do të punojnë për ruajtjen e marrëdhënieve serbo-amerikane, transmeton albinfo.ch.

“Për ne është me rëndësi të madhe që paqja në rajon të mos prishet dhe Serbia të vazhdojë të sillet me përgjegjësi dhe të kontribuojë për stabilitetin në Ballkan”, ka deklaruar Vuçiq.