Populistët e djathtë (MCG), për herë të parë pjesë e qeverisë

Risia më e madhe është fitorja e lëvizjes së djathtë populiste MCG (Mouvement Citoyen Genevois) e cila për herë të parë arrin të hyjë në qeveri

Në raundin e dytë të zgjedhjeve për ekzekutivin e kantonit të Gjenevës, FDP/PLR ka humbur një vend. Po ashtu një vend më pak në qeverinë e ardhshme, sipas rezultateve preliminare, do ta ketë edhe e majta, gjegjësisht të Gjelbrit. Nga ana tjetër CVP/PDC e k fituar një vend. Ndërsa risia më e madhe është fitorja e lëvizjes së djathtë populiste MCG (Mouvement Citoyen Genevois – Lëvizja Qytetare Gjenevase) e cila për herë të parë ka arritur të bëhet pjesë e qeverisë, me një ministër.

Ata që ia kanë dalë të zgjidhen në zgjedhjet e sotme janë: Pierre Maudet dhe François Longchamp nga FDP/PLR, Serge Dal Bosco dhe Luc Barthassat nga CVP/PDC, Antonio Hodgers nga të Gjelbrit, Anne Emery-Torracinta nga SP/PS dhe Mauro Poggia nga CG.

Ka dështuar të rizgjidhet Isabel Rochat nga FDP/PLR.

Përbërja e ekzekutivit të Kantonit të Gjenevës para këtyre zgjedhjeve ka qenë si vijon: 3 vende FDP/PLR, 2 vende të Gjelbrit, 1 vend PS/SP dhe një vend CVP/PDC.

Më së shumi vota kanë fituar dy kandidatët e FDP/PLR, Pierre Maudet 59007 dhe Françoiso Lngchamp, 55077. Më së paku vota, por të mjaftueshme për të hyrë në qeveri ka fituar Mauro Poggia nga MCG, gjithsej 41127.