Muzikë
Politikanët debatojnë mbi festivalin, në margjinat e Alba Festivalit
Përparim Avdili thotë se qëllimi i debatit ishte sensibilizimi i politikanëve se Alba Festivali nuk ka synim politik por thjesht, qëllim social e kulturor
Në margjinat e Albafestivalit, ditën e dytë të mbajtjes së tij, të dielën u zhvillua edhe një apero dhe debat mes një numri politikanësh që ndodheshin aty.
Albinfo.ch ishte e pranishme në këtë debat. Aty u bisedua për anulimin e festivalit, që vitin e kaluar e kishte bërë Qeveria e Kantonit me pretekstin se audienca e atyshme (kryesisht shqiptarët) kanë shkallë të ulët të vaksinimit dhe kështu aktiviteti kërcënon të bëhet një burim infeksioni masiv me koronavirus.
Por, temë bashkëbisedimi ishte edhe rrjedha e mëtejme, gjegjësisht mbajtja e edicionit të sivjetmë të festivalit, gjykimi që i bëri Komisioni Federal kundër Racizmit vendimit anulues të marrë nga Qeveria e Kantonit të Cyrihut vitin e kaluar etj.
Si njëri ndër iniciatorët e këtij takimi, Përparim Avdili (FDP) thotë se qëllimi i mbajtjes së tij ka qenë që të sensibilizohen edhe politikanët, me faktin se Alba Festivali nuk ka asnjë synim politik, por thjesht, qëllim argëtues, social e kulturor.
Pjesëmarrësit në debat vinin nga të gjitha partitë parlamentare, kryesisht nga Kantoni i Cyrihut, shkruan albinfo.ch. Kështu, përveç politikanëve të rinj me rrënjë shqiptare, si Përparim Avdili (FDP), Reis Luzhnica (SP) dhe Gadaf Muharemi (SP), në bashkëbisedim janë inkluadruar edhe: Andri Silberschmidt, deputet nacional (FDP), Beno Scherrer, deputet kantonal (GLP), Isabel Garcia, deputete kantonale dhe në qytet, (GLP), Brigitt Tognella, deputete kantonale (SP), Anne Claude Hensch, deputete kantonale (AL), Sonja Rueff-Frenkel, deputete kantonale (FDP), Peter Grünenfelder, kandidat për qeverisjen kantonale (FDP), Daniel Wäfler, deputet kantonal (SVP), Martin Busekros, deputet komunal (Grüne), Michael Schmid, deputet komunal dhe shef i fraksionit (FDP) dhe Martina Zürcher, deputete komunale (FDP).
(Fotot: Armend Berisha)
E-Diaspora
-
Sopranoja Elbenita Kajtazi ndanë bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë