Lajme
Policia e Zvicrës ndalon ekstremistin e djathtë nga Austria
Janë regjistruar të dhënat personale të Sellnerit, aktivist i "Lëvizjes Identitare" ekstremiste dhe është lëshuar një urdhër dëbimi ndaj tij
Martin Sellner konsiderohet si një organizator me ndikim i “Lëvizjes Identitare” ekstremiste të krahut të djathtë, nga Austria. Ai ka udhëtuar drejt Zvicrës për një event, transmeton albinfo.ch. Por Policia Kantonale ndërhyri në Tegerfelden, duke ndaluar folësin e diskutueshëm dhe penguar paraqitjen e tij.
Siç ka konfirmuar policia kantonale e Aargaut për SRF, janë regjistruar të dhënat personale të Sellner-it dhe është lëshuar një urdhër dëbimi ndaj tij. Sipas një zëdhënëseje të policisë, pronari i lokalit i ka ndaluar të shtunën organizatorët që ta përdorin lokalin e tij. Ai më pas ka kontaktuar policinë kantonale.
Policia pastaj nga ana e saj më ka informuar organizatorët se, për të mbrojtur interesin publik, nuk do të tolerohej paraqitja e Sellner-it. Sipas zëdhënëses së policisë, në vendngjarje ka pasur edhe kundërshtarë politikë të Sellnerit. Situata në vendngjarje aktualisht është e qetë.
Afera për “takime sekrete” me AFD-në
Që më parë kishte pasur rezistencë kundër mbajtjes së ligjëratës së planifikuar nga ekstremisti austriak. Sipas gazetës NZZ, Policia Kantonale e Cyrihut kërkoi që Qeveria Federale të vendoste një ndalim hyrje për Sellnerin sepse fillimisht supozohej se ai do të shfaqej në kantonin e Cyrihut, përcjell albinfo.ch. Zyra Federale e Policisë, Fedpol është përgjegjëse për ndalimin e hyrjes. Sipas NZZ, nuk dihet nëse atij i është shqiptuar një ndalesë e tillë.
Në janar, në një takim të mbajtur në Potsdam të Gjermanisë Martin Sellner thuhet se ka propaganduar deportimin masiv të të huajve nga Gjermania. Këtë e ka bërë para anëtarëve të partive AfD dhe CDU. Ky takim u bë publik përmes punës së një rrjeti kërkimor.
Të ngjashme
Të tjera nga Lajme
E-Diaspora
-
Çikago: Pianistja Anila Aliu, me koncert recital Pianistja Anila Aliu do të paraqitet me një koncert recital në Chicago të SHBA-së, përcjell albinfo.ch....
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë