Policia gjermane po e kërkon nëpër spitale atentatorin e Berlinit

KEYSTONE

Policia në Berlin po kërkon nëpër spitale, si rezultat i informacionit që një terrorist i dyshuar dhe mbështetës i ISIS-it, përgjegjës për sulmin në tregun e Krishtlindjeve, është i plagosur.

Sulmuesi supozohet se ka marrë plagë gjatë përleshjes me shoferin e kamionit, i cili ishte rrëmbyer vetëm disa orë para sulmit.

Shoferi i rrëmbyer i kamionit u gjet i vdekur me armë zjarri dhe thikë, dhe policia gjermane është duke u përpjekur për të gjetur në bazë të ADN-së së gjetur të sulmuesit nga kabina e kamionit.

Autoritetet gjermane thanë se 24-vjeçari tunizian, Anis Amri, është i dyshuar zyrtarisht si atentatori i sulmit në Berlin, ku mbeten të vrarë 12 persona, njoftoi DPA.

Amri ishte më parë në paraburgim në pritje të dëbimit nga Gjermania, por u lirua më pas për arsye të panjohura.

Siç njoftojnë mediat nga Berlini, një tunizian azilkërkues me disa emra të ndryshëm, arriti të marrë një leje qëndrimi të përkohshme dhe mbrojtje në Gjermani.

Që nga maj i këtij viti Tunizia është në listën gjermane të shteteve të sigurta, qytetarët e të cilit nuk kanë të drejtë për të marrë azil në Gjermani.