Policia dyshon se e ka gjetur trupin e aktores Adea Shabani

Policia në Los Angeles që po e kërkonte tash e një kohë aktoren Adea Shabani, e cila u zhduk muajin e kaluar nga apartamenti i saj në Hollywood, kanë gjetur një trup që dyshohet se mund të jetë i saj.

Në një konferencë për media policia tha se kanë gjetur një trup të pajetë rreth 640 kilometra në një zonë të pabanuar të Kalifornisë Veriore, përcjell albinfo.ch.

25-vjeçarja mungonte që nga data 23 shkurt, kur kamera e sigurimit në ndërtesën ku ajo banonte e kishte filmuar duke dalë me të dashurin e saj bashkë me një valixhe.

Përderisa zyra e mjekut ligjor ende nuk e ka identifikuar trupin, policia beson që trupi është i Adea Shabanit, aktores nga Maqedonia.