Po afrohet Forumi i parë shqiptaro-zviceran në Gjenevë

Për herë të parë në Gjenevë do të mbahet Forumi shqiptaro-zviceran, që në fokus ka patundshmëritë, investimet dhe financat. Qëllimi i këtij takimi është të bashkojë ndërmarrës shqiptaro-zviceranë të sektorit të patundshmërive dhe financave në Zvicër, Kosovë dhe Shqipëri.

Forumi mbahet të premten, më 19.04.2024, nga ora 14:00 deri në orën 20:00, në 8 OAK& Centre de lEspérance, Genève (CH) në Gjenevë.

Qëllimi i këtij takimi është të bashkojë ndërmarrës shqiptaro-zviceranë të sektorit të patundshmërive dhe financave në Zvicër, Kosovë dhe Shqipëri.

Do të keni rastin të takoni shqiptarët më të suksesshëm të sektorit të patundshmërive, invstimeve dhe financave dhe nga kompanitë inovative të krijuara nga shqipataro zviceranët.

Specialistë të finanncave do të prezantojnë zgjidhjet e tyre inovative dhe do të ndajnë përvojat e tyre para një audience prej mbi 200 personash, nga Zvicra, Kosova dhe Shqipëria. Histori suksesi, të padëgjuara më parë.

Synimi i këtij eventi të parë në Gjenevë është të bëhet një inventar i gjendjes aktuale të këtyre fushave në suaza të diasporës shqiptare në pjesën frankofone të Zvicrës, të rrjetëzojë firmat shqiptaro-zvicerane aktive në këto aktivitete ekonomike, qofshin ato në Zvicër, Kosovë, Shqipëri apo gjetiu, me qëllim që të hulumtohen mundësi të reja zhvillimi apo investimi në Zvicër apo në Kosovë, Shqipëri, si dhe në vendet e tjera të Ballkanit.

Kjo ngjarje do të promovojë për herë të parë figura të njohura më me ndikim në sektorin e patundshmërive, investimeve dhe finanacave.

Në këtë Forum do të mbahen disa panele diskutimesh dhe në fund mbyllet me një darkë të përbashkët speciale!

Për të rezervuar vendin klikoni në link:Patundshmëri, investime dhe financa | Führungen & Vorträge | Business-Treff | 19.04.2024 (eventfrog.ch)

Shumë shpejt do të bëhet publike edhe agjenda e këtij forumi.

Sponzor medial I këtij eventi është platforma mediale albinfo.ch