Përurohet Muzeu i masakrës në Krushë të Madhe

Presidentja e Kosovës, Vjosa Osmani, ka marrë pjesë në përurimin e Muzeut të masakrës së Krushës së Madhe të Rahovecit, përcjell albinfo.ch.

Muzeu përmban ekspozitën me 200 videointervista me të mbijetuarit e masakrës, 60 artefakte nga të vrarët, të zhdukurit e të mbijetuarit, narracione audiovizuele tematike mbi humbjen, dhimbjen, përjetimin e të mbijetuarve dhe rrëfime për mbijetesën pas luftës.

Më 25-27 mars në këtë fshat u masakruan mbi 200 civilë e u dogjën mbi 800 shtëpi.

64 persona nga Krusha e Madhe vazhdojnë të jenë të pagjetur.

Masakra në Krushë të Madhe u bë një pjesë e aktakuzës për krime lufte kundër Slobodan Milosheviçit dhe udhëheqësve të tjerë serbë politikë dhe ushtarakë.