Literaturë
Përurohet libri me 100 rrëfime nga pleq e plaka të Kosovës
Në Bibliotekën Kombëtare të Kosovës gjatë ditës së djeshme është përuruar libri “Kujtesa e Kosovës”, përcjell albinfo.ch.
Ky libër, i cili përmban 100 rrëfime nga 100 pleq e plaka të Kosovës, u vlerësua si një projekt afatgjatë për ruajtjen e kujtesës së Kosovës.
Në këtë përurim mori pjesë edhe ministri i Kulturës, Rinisë dhe Sportit, Kujtim Gashi, i cili tha se ky libër përmban 100 rrëfime autentike që shpalosin gjithë botën e përditshmërisë në Kosovë, nga Lufta e Dytë Botërore deri sot.
“Temat të cilat u trajtuan në historitë gojore ishin tema mbi organizimin e jetës, zakonet, organizimin e fshatit, duke përfshirë këtu zakonet ekonomike e edhe marrëdhëniet tregtare brenda dhe jashtë vendit”, citohet të ketë thënë Gashi, sipas njoftimit të MKRS-së.
Kurse drejtori i Bibliotekës Kombëtare të Kosovës, Fazli Gajraku, këtë libër e vlerësoi si botim të rëndësishëm për historinë e Kosovës.
“Sot po botohet, botim i parë i historisë gojore të 100 pleqve dhe plakave, mbledhja dhe ruajtja e kulturës gojorë është një qytetërim modern, një hap i ri nga biblioteka kombëtare e Kosovës. Mbledhja e kujtimeve të njerëzve të moshuar ka një rëndësi për historinë e Kosovës”, ka thënë ai.
Intervistat për këtë libër u realizuan me të moshuar mbi 80 vjeç. Nga MKRS kanë thënë se për realizimin e këtij projekti u trajnua një ekip punues nga ligjëruesit profesionistë të fushës së historisë gojore, mbështetur nga Ambasada Amerikane në Kosovë, përcjell albinfo.ch.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998