Personi më i moshuar në botë supozohet se banon në Shqipëri: Dokumentet tregojnë se është 117 vjeçe

Një zbulim interesant është bërë me dije nga gazetari shqiptar Blendi Fevziu përmes një videoje të publikuar në rrjetet sociale, ku pretendohet se personi më i moshuar në botë jeton në Shqipëri.

​Sipas të dhënave dhe dokumenteve të prezantuara, bëhet fjalë për një grua të lindur më 19 gusht 1909, çka do të thotë se ajo ka mbushur 117 vjeç e 39 ditë.

​Në postimin e tij, Fevziu thekson se sipas dokumentacionit zyrtar kjo e moshuar shqiptare rezulton të jetë dy ditë më e vjetër se personi që aktualisht mban zyrtarisht titullin e më të moshuarit në botë në regjistrat ndërkombëtarë.

​Pavarësisht këtij fakti, deri më tani mosha e saj nuk është regjistruar apo certifikuar ende nga organizatat ndërkombëtare të të dhënave, si rekordet Botërore Guinness.