Për çfarë i bën përshtypje Zvicra Donald Trump-it

Donald Trump shprehu «respektin për stabilitetin politik, situatën ekonomike dhe sistemin ekscelent arsimor». Ai është interesuar sidomos për situatën e shkëmbimeve tregtare të Zvicrës, për sistemin e saj arsimor dhe çështjen e migrimit në Evropë

Kryetari federal, Johan Schneider-Ammann, dhe presidenti i zgjedhur amerikan, Donald Trump, kanë zhvilluar një bisedë telefonike. Schneider – Amann ka theksuar me këtë rast partneritetin mes dy vendeve.

Siç njofton Departamenti për Ekonomi, Arsim dhe Hulumtim, kryetari federal e përgëzoi Trump-in për zgjedhjen e tij president. Ai theksoi me këtë rast partneritetin e fortë ekonomik dhe politik mes dy «republikave motra» – Zvicrës dhe SHBA-së.

Schweizer-Ammann theksoi anët e forta të Zvicrës

Zvicra është investitori i gjashtë më i madh në SHBA. Ndërmarrjet zvicerane ofrojnë 450’000 vende pune në SHBA.

Johan Schneider – Ammann foli edhe për sistemin dual arsimor zviceran, që po has në interesim të madh në SHBA, si dhe për forcën e madhe inovative. Veç kësaj, ai theksoi edhe rëndësinë e tregjeve të hapura..

Donald Trump shprehu « respektin për stabilitetin politik, situatën ekonomike dhe sistemin ekscelent arsimor». Ai është interesuar sidomos për situatën e shkëmbimeve tregtare të Zvicrës, për sistemin e saj arsimor dhe çështjen e migrimit në Evropë.

(Përktheu për albinfo.ch: Nexhmedin Gerguri)