E-Diaspora
Një pensionist shqiptar nga Gjermania vdes në burgun japonez
Fëmijët e tij në Gjermani akuzojnë autoritetet japoneze se e kanë dënuar dhe mbajtur në burg të pafajshëm babanë e tyre
Një pensionist shqiptar nga Kosova, me qëndrim prej shumë vjetësh në Gjermani, ka vdekur në një burg japonez. 71-vjeçari po e vuante në Osaka dënimin prej 9 vjetësh burgim që i ishte shqiptuar nga një gjykatë japoneze për veprën penale, tregti me narkotikë, shkruan westfalen-blatt.de
Në çantën e tij në aeroportin e Fukushima-s, në vitin 2015 ishin gjetur tre kilogramë Crystal Meth, me vlerë prej 500.000 eurosh.
Fëmijët e tij në Gjermani akuzojnë autoritetet japoneze se e kanë dënuar dhe mbajtur në burg të pafajshëm babanë e tyre.
“Babai ynë është abuzuar si korrier droge”, thonë me bindje familjarët e tij, transmeton albinfo.ch. Në shkurt të vitit 2015 ai, përkundër paralajmërimeve këmbëngulëse të tyre, kishte fluturuar për në Hong-Kong, pasi që kishte siguruar një biletë pa pagesë.
Ai kishte marrë para kësaj një letër, sipas së cilës do të merrte 50.000 euro nga trashëgimia e një multimilioneri, përcjell albinfo.ch. Këto para ai donte t`i përdorte për gruan e tij të goditur nga sulmi në tru, e cila kishte nevojë për përkujdesje dhe e cila ndërkohë ka vdekur.
Në Hong-Kong ai ka takuar persona deri tani të panjohur. Pak para se të fluturonte për në Japoni, atij një grua i kishte dhënë një çantë, në të cilën i kishte thënë se kishte një dhuratë për gruan e tij të sëmurë. E në të vërtetë, aty kishte pasur drogë.
Pastaj ai ishte kapur në doganën japoneze me drogën e përmendur dhe ishte gjykuar me 9 vjet burgim. Djemtë e tij kishin marrë pjesë në gjykim.
Në tetor të vitit 2018 K. P. në qelinë e tij pëson gjakderdhje në tru dhe prej atëherë ka rënë në gjendje kome, nga e cila nuk është zgjuar më kurrë. Më 5 tetor 2019 ai ka ndërruar jetë dhe familja tashmë e ka sjellë kufomën e tij në Gjermani. “Transportimi i kufomës na ka kushtuar 25.000 euro”, ankohet i biri.
Derisa ai ende ishte në gjendje të mirë, djemtë e tij kishin kontaktuar me babanë e tyre, duke këmbyer letra. Por nuk i kishin treguar se nëna e tyre, gruaja e tij, kishte vdekur në vitin 2017.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik