Pasurohet me ari fshati zviceran

Fshati Klingnau ka marrë një lajm të mirë, pasi i është lejuar të mbajë ari me vlerë prej 100 mijë frangave, pasi ishin gjetur në një fushë, pesë vjet më parë, shkruan “The Local”.

Sipas ligjit zviceran nëse brenda pesë vjetësh nuk gjenden pronarët e arit, atëherë kalon në atë që e ka gjetur, përcjell albinfo.ch.

Dy punonjës të komunës kishin gjetur shufra ari në një qese plastike në vitin 2012 në një fushë, njoftoi agjencia e lajmeve “ATS”. Por, pasi ari u gjend gjatë kryerjes së detyrave të tyre për komunën, me ligj palët ishin detyruar të transferonin tek punëdhënësi i tyre.

Hetimi i kryer nuk ka gjetur pronar, edhe pse fillimisht u mundua se i taktonte një boshnjaku, që ishte në burg, kur u zbulua thesari. Por, pronarët e vërtetë asnjëherë nuk u gjetën.

Tashmë ari është zyrtarisht pronë e Klingnau, edhe pse dy punonjësit komunalë që gjetën arin kanë drejtë të marrin 10 % të vlerës.