Pasi mbyllin rojen në qeli, dhjetë të rinj arratisen nga burgu, në Valis

Me gjithë hetimet e deritanishme, të rinjtë nuk kanë mundur të arrestohen deri në pasditen e së dielës, thuhet në njoftimin e policisë

Dhjetë të rinj janë arratisur nga qendra e mbyllur edukative (burg për të rinj) Pramont në Granges VS të dielën mbrëma. Para kësaj, ata kanë sulmuar një roje burgu dhe e kanë mbyllur atë në qeli, trasnmeton albinfo.ch. Ata janë ende në arrati.

Pak para mesnatës të së shtunës në mbrëmje, adoleshentët dhe të rinjtë e moshës 17 deri në 24 vjeç shpërthyen nga qendra e mbyllur edukuese, siç ka bërë të ditur të dielën policia kantonale e Valisit. Ata e kishin mbyllur më parë rojen në një qeli. Ai ka marrë lëndime të lehta me ketë rast, shkruan agjencia e lajmeve e Zvicres SDA. Më pas të rinjtë u larguan me një automjet që ishte vjedhur aty pranë, tha policia.

Policia Kantonale, e mbështetur nga Policia Rajonale e qyteteve qendrore, ka vendosur menjëherë një prani të shpejtë dhe të gjerë policore në gjithë regjionin e më gjerë. Me gjithë hetimet e deritanishme, të rinjtë nuk kanë mundur të arrestohen pasditen e së dielës, thuhet në njoftimin e policisë.

---