Pas 400 vjetësh “zbulohet” Servantesi

Shkencëtarët besojnë se kanë gjetur eshtrat e Cervantesit, gruas së tij dhe njerëzve të tjerë të regjistruar si të varrosur në Manastirin e Barefoot Trinitarians në Madrid

Gati pas 400 vjetësh të vdekjes së tij, shkencëtarët mjeko­ligjorë spanjoll, thonë se kanë gjetur varrin e kolosit spanjoll të letërsisë së mesjetës, Miguel de Cervantes. Ata besojnë se kanë gjetur eshtrat e Cervantes, gruas së tij dhe njerëzve të tjerë të regjistruar si të varrosur bashkë në Manastirin e Barefoot Trinitarians në Madrid.

Me që kanë kaluar katër shekuj, shkencëtarët thonë se është relativisht i vështirë ekzaminimi i tij, por se janë të bindur se varri i takon njeriut që jetësoi në botë “Don Kishotin”.

Miguel de Cervantes u varros në vitin 1616, në kishën Barefoot Trinitarians, një objekt fetarë që u rindërtua dhe u zgjerua në fund të shekullit 17. Eshtrat e njeriut të njohur si “Princi spanjoll i Letrave” rezultonin të humbura për shekuj me radhë, transmeton Koha, duke u thirrur në burimet spanjolle.

“Fundi i tij ishte ai një njeriu të varfër. Një veteran lufte me plagët e tij të betejës“, tha Pedro Corral, kryetari i artit, sportit dhe turizmit në këshillin e qytetit të Madridit.

Cervantes ka lindur afër Madridit në vitin 1547, ndërsa u bë ushtar në vitin 1570 dhe u plagos rëndë në betejë para se të kapej peng nga turqit. E veçanta e këtij kolosi të letrave spanjolle dhe botërore është se ai qëndroi në burg në Ulqin, ndërsa mendohet se frymëzimi i tij për kryeveprën “Don Kishoti i La Mancha­s” i ka lindur në burg.

Njëra nga personazhet e këtij libri është Dulcina (Ulqinia) që është e dashura e fantazuar e personazhit kryesor “Don Kishoti”.

“Don Kishoti i La Mancha­s”, i cili u botua në dy pjesë në vitin 1605 dhe 1615. Cervantes u varros në manastir Barefoot Trinitarians në Madrid me kërkesën e tij, pasi mendohet se murgeshat paguan për lirimin e tij nga burgu. Por kockat e tij u humbën kur ndërtesa u zgjerua disa vjet më vonë. Autoritetet spanjolle thanë se kolosi botëror, tani do të rivarroset “me nderime të plota” në të njëjtin manastir.