Lajme
Parlamenti Evropian zotohet për reforma pas skandalit me korrupsion
Presidentja e Parlamentit Evropian është shprehur për ndërmarrjen e më shumë reformave etike në vazhdën e një skandali korrupsioni që po investigohet nga hetuesit belgë, pas kritikave se propozimet e saj fillestare ishin të pamjaftueshme.
Roberta Metsola tha në një intervistë se ajo dëshironte që plani i saj prej 14 pikash të ishte gati “brenda një muaji”, por se masat shtesë, duke përfshirë propozimet për një organ të etikës në mbarë BE-në dhe mundësinë e hetimeve për korrupsionin në parlament, mund të vijojnë pasi hetimi aktual të jetë mbyllur.
“Ajo me të cilën ne po përballemi është korrupsioni kriminal i llojit më bazik, më elementar dhe më historik,” tha Metsola.
Katër të dyshuar janë në paraburgim në Belgjikë me akuza për korrupsion dhe pastrim parash, nga të cilët tre kanë punuar në Parlamentin Europian. I dyshuari kryesor, Pier Antonio Panzeri, shërbeu tre mandate si eurodeputet deri në vitin 2019. Ish ndihmësi i tij, Francesco Giorgi, është asistent në parlament dhe njëkohësisht bashkëshorti i të dyshuarës së tretë, Eva Kaili, eurodeputete e cila deri në arrestimin e saj ishte gjithashtu zëvendëspresidente e parlamentit.
Prokurorët belgë i kanë kërkuar parlamentit heqjen e imunitetit për dy ligjvënës të tjerë, proces i cili do të nisë të hënën.
Metsola mbrojti nismën e saj të reformave, të cilat i përshkroi në detaje javën e kaluar. “Këto janë masa për ta adresuar korrupsionin, jo për ta eliminuar atë përgjithmonë, sepse nuk mund ta parashikoj kurrë se cili do të jetë skandali i radhës”. Masat përfshijnë ndërprerjen e aksesit të ish-deputetëve që kthehen në lobistë, detyrimin për të publikuar takimet dhe ndalimin e grupeve joformale që promovojnë interesa të jashtme.
Përveç kësaj, ligjvënësve të dënuar mund t’u hiqet pensioni i BE-së pas dy vjetësh, tha Metsola, një masë që u diskutua me krerët e grupeve politike të enjten.
Krijimi i një organi të pavarur të etikës për të gjitha institucionet e BE-së, i cili do të sigurojë zbatimin e këtyre rregullave, është gjithashtu duke u konsideruar në planin afatgjatë. Por, ai do të duhet të propozohet nga Komisioni Europian pasi parlamentit i mungon fuqia legjislative për ta bërë këtë gjë, tha Metsola.
“Ajo që vlen këtu duhet të zbatohet edhe për institucionet e tjera. Kjo është e rëndësishme për shumë nga anëtarët”, tha ajo.
Komisioni ka deklaruar se synon të krijojë një organ ndërinstitucional të etikës dhe se do të “punojë me shpejtësi” për ta finalizuar atë./ Financial Times
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Bora zbardh Austrinë Austria sot është mbuluar nga bora.Mediat raportojnë se në vendet malore, reshjet kanë qenë më të...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa