Lajme
Bill Gates: Mund të ketë vdekje të tjera nga Covid-19 nëse nuk reagojmë së bashku
Bill Gates ka paralajmëruar amerikanët se do të ketë shifra tmerruese të vdekjeve të tjera nga COVID-19, nëse vendi i tij nuk fton qytetarët të “bashkohen për të vepruar”.
Gates po vazhdon të kritikojë ashpër reagimin e zyrtarëve amerikanë ndaj pandemisë së COVID-19, që ka shumë më shumë viktima krahasuar me vendet e tjera të botës.
Ai qysh në prill kishte paralajmëruar – kur asokohe ishin 336 mijë të infektuar në SHBA dhe 9.600 tjerë që kishin humbur jetën, që Shtetet e Bashkuara mund të ngecin “në skenarin rrëqethës” nëse nuk reagojnë me kohë, por ka siguruar të gjithë se nëse respektohet distanca, numri i infeksioneve të reja mund të bie.
Gjashtë muaj më vonë – pasi numri i të infektuarve ka shkuar në 7.6 milionë dhe mbi 213 mijë të vdekur – Gates është shfaqur në NBC për të folur për situatën e rënduar në vend nga COVID-19.
“Do të ketë vdekje tjera nëse nuk reagojmë së bashku”, ka deklaruar Gates para gazetarit Chuck Todd, në intervistën e së shtunës.
64-vjeçari ka folur sërish për mënyrën e testimit, duke kritikuar sistemin shëndetësor, ku qytetarëve u duhet me ditë të tëra të presin për rezultatet e COVID-19.
“Po aplikojmë sistemin më të dobët të testimit. Por nuk është e vështirë të përmirësohet një gjë e tillë”, ka shtuar miliarderi amerikan.
Themeluesi i kompanisë Microsoft i ka bërë thirrje administratës së Donald Trumpit të përmirësojë kursin duke ndërmarrë hapa konkretë.
“Duhet ta pranoni se nuk keni bërë punë të mirë dhe të thoni se duhet të ndërmerrni veprime për ta ndryshuar këtë”, ka shtuar Gates gjatë intervistës.
Gates gjithashtu ka theksuar se Agjencia e Ushqimit dhe Barnave është në presion të vazhdueshëm që të prodhojë disa lloje të vaksinave.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi për t'u...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?