Lajme
Paralajmërohet valë e re e Covidit në Evropë
Kështu deklaruan të mërkurën Organizata Botërore e Shëndetësisë dhe Qendra Europiane për Parandalimin dhe Kontrollin e Sëmundjeve (ECDC).
Një valë tjetër e infektimeve me COVID-19 mund të ketë nisur në Europë, pasi numri i rasteve ka filluar të rritet në gjithë rajonin.
“Edhe pse nuk jemi në të njëjtën situatë ku ishim një vit më parë, është e qartë se pandemia e COVID-19 nuk ka përfunduar ende”, thanë në një deklaratë të përbashkët drejtori i OBSH-së për Europën, Hans Kluge, dhe drejtori i ECDC, Andrea Ammon.
“Fatkeqësisht, ne po vëmë re se treguesit po rriten sërish në Europë, duke treguar që një valë tjetër e infektimeve ka filluar”.
Të dhënat rajonale nga OBSH tregojnë se Europa ka regjistruar një shtim të rasteve me COVID-19 në javën që u mbyll më 2 tetor, duke shënuar një rritje prej 8% nga java e kaluar.
Ekspertët e shëndetit publik kanë paralajmëruar se rënia e imunitetit të fituar nga vaksinat dhe konfuzioni lidhur me vaksinat e disponueshme, kanë të ngjarë të kufizojnë marrjen e dozave përforcuesve në rajon.
Miliona njerëz në gjithë Europën mbeten të pavaksinuar kundër COVID-19, theksuan OBSH dhe ECDC.
Këto dy organizata u kërkuan vendeve europiane që të aplikojnë edhe vaksinat kundër gripit, edhe vaksinat COVID-19, përpara rritjes së pritshme të rasteve si pasojë e gripit sezonal.
“Nuk ka kohë për të humbur”, thanë OBSH dhe ECDC, duke shtuar se grupet vulnerabël, ku përfshihen njerëzit mbi 60 vjeç, gratë shtatzëna dhe të gjithë personat me sëmundje shoqëruese, duhet të vaksinohen kundër gripit dhe COVID-19./ Reuters
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
Jeta në Austri
-
Cila është vaksina e rriqrave në Austri dhe a duhet ta merrni atë? Me rritjen e temperaturave dhe fillimin e sezonit të rriqrave, cila është vaksina e Austrisë ndaj...
-
Si të mos ‘përplaseni’ nga një tren austriak i mbipopulluar?
-
Çfarë më lejohet të bëj në ballkonin tim në Austri?
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?