Kosova
Osmani nuk pajtohet me Raportin e KE-së për vettingun
Presidentja Vjosa Osmani tha se nuk pajtohet me Raportin e Komisionit Evropian për procesin e vetting-ut, ku thuhet se rivlerësim i plotë dhe i menjëhershëm i të gjithë prokurorëve dhe gjyqtarëve paraqet një burim shqetësimi serioz, raporton Ekonomia Online.
Sipas Osmanit, kjo është e papranueshme, pasi që thotë se vettingu është i domosdoshëm dhe e vetmja mënyrë për t’i arritur synimet të cilat po i kërkon BE-ja.
“E konsideroj të nevojshme të ndalem në disa prej temave që kanë të bëjnë me procesin e vettingut, duke përfshirë edhe veriun. Si presidente nuk pajtohem fare me këtë konstatim, sepse mungesa e vettingut do të ishte serioz dhe jo kjo pjesë. Në këtë raport KE konsideron se procesi i vettingut do të duhej të ishte masa e fundit, dhe ky konstatim është i gabuar. Vettingu është i domosdoshëm dhe e vetmja mënyrë për t’i arritur ato synime që BE i ka paraqitur si kërkesa. Raportet e ndryshme kanë konstatuar ngecje në sistemin e drejtësisë, prandaj vettingu do të jetë instrument kyç për të nxjerrë në pah gjyqtarët e prokurorët. Kërkoj që ky proces të vazhdojë dhe të përshpejtohet dhe i inkurajoj të gjitha institucionet që të vazhdojnë këtë punë me prioritet”.
Ajo tha se në luftën ndaj krimit e korrupsionit nuk ka kompromis, derisa ka thënë se presin përkrahje të plotë nga BE-ja.
Edhe pse në raportin zgjedhor të BE-së është thënë që shkarkimi i Valdete Dakës ka qenë i jashtëligjshëm, Osmani për këtë është përgjigjur duke thënë se ka qenë në përputhje të plotë me ligjin dhe Kushtetutën.
Osmani tha se askush nuk mund ta kërcënojë për dërgim në Gjykatën Kushtetuese, pasi që tha se është e përkushtuar në pavarësinë e institucioneve të vendit.
“KE edhe këtë vit e konfirmon se situata në veri të vendit është sfidues për krimin e korrupsionin. Jam e kënaqur që zgjedhjet janë cilësuar si më të mirat dhe më të demokratike në rajon, e lumtur që vlerësimi me punën e KQZ është pozitive. Presidentja është autoriteti emërues dhe shkarkues i KQZ-së dhe ky vendim ka qenë në përputhje të plotë me ligjin e Kushtetutën”.
“Mua nuk mund të më zbraz askush me kërcënime në Gjykatën Kushtetuese dhe do të jem e pakompromis në pavarësinë e institucioneve në vend”./EO
Të ngjashme
Të tjera nga Kosova
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?