Osmani e Hovenier flasin për zhvillimet në veri

Presidentja e Kosovës, Vjosa Osmani, ka pritur sot në takim ambasadorin amerikan në Kosovë, Jeffrey Hovenier. Presidenca njofton se Osmani dhe Hovenier kanë biseduar lidhur me zhvillimet e fundit në veri, përcjell albinfo.ch.

“Presidentja Osmani ka pritur në takim të rregullt ambasadorin e SHBA-së, Jeffrey Hovenier, më te cilin bisedoi për zhvillimet e fundit në vend. Në takim u diskutua për mundësitë dhe rëndësinë e intensifikimit të bashkëpunimit bilateral në vitin 2023, gjersa Presidentja Osmani konfirmoi edhe një herë përkushtimin e institucioneve të Republikës për koordinim të vazhdueshëm me Shtetet e Bashkuara dhe aleatët e tjerë”, thuhet në njoftim.