Lajme
OKB-ja në krizë financiare, ndërpret të ardhurat për miliona njerëz
Miliona njerëzve do t’u ndërpriten ndihmat, pasi OKB-ja është në krizë sa u takon fondeve.
Gjatë një konference, zëvendësshefi i Programit Botëror të Ushqimit, Carl Skau, është shprehur se u duhet të ndërpresin ndihmat, për vendet si Afganistani, Siria, Jemeni dhe Afrika Perëndimore. Të ardhurat për këto vende duhet të jenë rreth 20 miliardë dollarë, por vitet e fundit kanë arritur të sigurojnë 10-14 miliardë dollarë.
“Ne ende e kemi atë synim, mirëpo këtë vit kemi siguruar vetëm rreth 5 miliardë dollarë”, ka thënë mes tjerash Skau.
Shumica e vendeve në botë po kalojnë një krizë ekonomike, sidomos pas pandemisë dhe luftës midis Rusisë dhe Ukrainës, si dhe implikimeve të tjera globale. Situata nuk paraqitet aspak e mirë, pasi kriza mund të thellohet edhe më shumë në 2024-ën.
Sipas Programit Botëror të Ushqimit, rreth 345 milionë njerëz në botë kanë nevojë për ndihma.
Skau u ka bërë thirrje liderëve botërorë që ta kenë prioritet ndarjen e fondeve dhe të investojnë në zgjidhje afatgjata për konfliktet, varfërinë dhe shkaqe të tjera që po sjellin kriza.
E-Diaspora
-
SRF kërkon një aktore shqiptare-zvicerane për serialin me temë shqiptare Ajo që kërkohet me audicion është aktorja që do të luajë rolin e Editës, një nënë...
-
Mësuesit e shkollave të diasporës në Kuvendin e Kosovës
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Pritje të gjata në disa pikëkalime kufitare Kosovë-Serbi