OBSH paralajmëron rrezik të lartë të një pandemie tjetër në Evropë

(KEYSTONE/Salvatore Di Nolfi)

Ushtruesja e detyrës së drejtorit të Organizatës Botërore të Shëndetësisë, Dr. Maria Van Kerkhove, ka paralajmëruar se Evropa duhet të përgatitet për ‘rrezikun e lartë’ të një pandemie tjetër.

Ajo ka deklaruar se është pothuajse e sigurt se kontinenti do të përballej me kërcënimin e gripit, teksa ka argumentuar se Covid-i nuk do të ishte ‘pandemia e fundit me të cilën do të merremi në jetët tona’. Në vend të kësaj, një kërcënim i panjohur i së ardhmes mund të godasë në mënyrë të paprecedentë.

Një epidemiolog, në anën tjetër, për Health in Europe ka thënë se Covid-19 ‘nuk duhej të ishte aq i keq sa ishte’.

“Për mua, gripi është një siguri, sepse është në qarkullim. Ka infektime nga lloje të ndryshme. Ne kemi gripin e shpendëve dhe mundësitë për ribashkim [ndryshimet gjenetike në një virus që e lejojnë atë të kërcejë midis specieve], mundësitë për një pandemi të virusit të gripit janë të larta. Kjo është arsyeja pse ne kemi një sistem të tërë në vend për t’u përgatitur për këtë. Sfida është, a do të shohim një tjetër pandemi të koronavirusit? Duke pasur parasysh që SARS-CoV-2 shkaktoi një pandemi, me siguri, kjo është një mundësi. Pyetja është, a do të shohim një pandemi Arbovirus?’”, ka thënë ajo.

Arboviruset, të njohur edhe si viruse të lindura nga artropodët, u referohen infeksioneve të përhapura te njerëzit nga pickimi i insekteve të infektuara si mushkonjat dhe rriqrat.

“Tani, nuk po e them këtë për të frikësuar njerëzit që po e dëgjojnë këtë, por për ne, është diçka për të cilën duhet të jemi të përgatitur. ‘Pra, ne duhet të mendojmë jashtë kutisë. Përgatituni me të vërtetë për kërcënimet e njohura, por gjithashtu mendoni jashtë kutisë për diçka ndryshe, ndoshta nga uji apo jo. Pra, për mua, pandemitë, për fat të keq, janë pjesë e asaj me të cilën do të përballemi gjatë jetës sonë”, ka shtuar tutje ajo, transmeton albinfo.ch.

Ndërkaq, për dekada, shkencëtarët kanë paralajmëruar se gripi i shpendëve është pretenduesi më i mundshëm për të shkaktuar pandeminë e ardhshme. Ekspertët thonë se kjo është për shkak të kërcënimit të rikombinimit, kur dy viruse bashkohen për të krijuar një hibrid.