Lajme
OKB: Bota, në prag të një ‘stuhie’
Sipas OKB, deri në 1.7 miliardë njerëz në 107 ekonomi do të ndiejnë ndikimin e të paktën një prej tre krizave
Sekretari i Përgjithshëm i Kombeve të Bashkuara, António Guterres, ka paralajmëruar se bota është në prag të një ‘stuhie’, pasi lufta në Ukrainë po e përkeqëson ekonominë globale.
Në një deklaratë për shtyp ditën e djeshme, OKB tha se lufta mund të çojë në një “krizë tredimensionale”, të ushqimit, energjisë dhe financave, zona që tashmë janë goditur rëndë nga Covid-19 dhe ndryshimet klimatike.
“Tani po përballemi me një stuhi që kërcënon të shkatërrojë ekonomitë e vendeve në zhvillim. Dhe njerëzit më të cenueshëm anembanë globit nuk mund të bëhen dëm kolateral në një fatkeqësi tjetër, për të cilën ata nuk mbajnë asnjë përgjegjësi”, tha António Guterres, transmeton Tch, përcjell Albinfo.ch.
OKB thotë se deri në 1.7 miliardë njerëz në 107 ekonomi do të ndiejnë ndikimin e të paktën një prej tri krizave, me ato në Afrikë, Azi dhe Paqësor, Amerikën Latine dhe Karaibe veçanërisht në rrezik.
Një përmbledhje e OKB-së propozon rekomandime të shumta afatshkurtra dhe afatgjata për të ndihmuar në shmangien e krizave globale, duke përfshirë largimin nga karburantet fosile në energjinë e rinovueshme, vendet e G20 dhe bankat që ofrojnë fonde për vendet më pak të zhvilluara dhe kufizimin e eksportit për ushqim.
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Muttertag: Si e feston Austria Ditën e Nënës? Ashtu si shumë vende të tjera, Dita austriake e Nënës festohet të dielën e dytë të...
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE