Nuk u hiqet shtetësia zvicerane xhihadistëve

Sipas shumicës në komision, heqja e shtetësisë personave të përmendur përveç simbolikës, nuk përmban asnjë rëndësi praktike

SVP/UDC përmes një iniciative të saj parlamentare ka kërkuar që personat për të cilët konstatohet se kanë marrë pjesë si xhihadistë në zonat me konflikte, t`u hiqet shtetësia e Zvicrës, gjegjësisht të çnatyralizohen. Por, në komisionin për politika shtetërore të Dhomës Nacionale të Parlamentit të Zvicrës, kjo iniciativë është mbivotuar. Në të vërtetë ajo është hedhur poshtë me një shumicë të ngushtë të votave, 13 kundër dhe 11 pro.

Sipas argumentimit të shumicës në komision, heqja e shtetësisë personave të përmendur përveç simbolikës, nuk përmban asnjë rëndësi praktike. Me një hap të tillë Zvicra nuk do të përfitonte asgjë sa i përket sigurisë së saj.

Po ashtu sipas pikëpamjes ë shumicës ne Komisionin për Politika Shtetërore ligji penal i Zvicrës ofron instrumente të mjaftueshme për të marrë në përgjegjësi xhihadistët me shtetësi zvicerane.