Lajme
Kurrë më shumë orë bllokimi të trafikut në Gotthard se në korrikun 2022
350 orë bllokime trafiku në autostradën e Gotthardit gjatë korrikut 2022. Para pandemisë, në korrik të vitit 2019, policia kishte regjistruar 265 orë
Në korrik të këtij viti, policia e kantonit Uri ka regjistruar rreth 350 orë bllokime trafiku në autostradën e Gotthardit. Ky është një rekord i ri, transmeton albinfo.ch. Për krahasim: Para pandemisë, në korrik të vitit 2019, policia kishte regjistruar 265 orë bllokime trafiku.
Po ashtu në nivel kombëtar, orët e bllokimit të trafikut në rrugët nacionale tashmë janë përsëri në rritje: në vitin 2021 ato janë rritur për 44 për qind krahasuar me vitin 2020 dhe ishin vetëm 7 për qind nën vlerën e vitit 2019, shkruan gazeta Tages Anzeiger. Dhe kjo po ndodh pavarësisht se kufizimet e kontaktit për shkak të koronavirusit ende janë aplikuar në disa raste në vitin 2021.
Për shkak të rritjes së madhe të qarkullimit në Gotthard, është prekur shumë regjioni përreth. Kjo, sidomos për faktin se për të shkarkuar Gotthardin, policia drejton një pjesë të trafikut nëpër rrugët kantonale. Për pasojë, kjo po shkakton shqetësim të madh te popullata në regjionin që preket më shumë, në lokalitetet si Erstfeld, Göschenen, Amsteg etj.
Ja çfarë do të thotë trafiku alternativ për banorët e regjionit Urner Reusstal: Trafiku alternativ shkakton zhurmë dhe erë të keqe në fshatrat Erstfeld, Amsteg dhe Wassen, transmeton albinfo.ch. Përveç kësaj, banorët e fshatrave mund të arrijnë në banesat dhe shtëpitë e tyre me vështirësi të madhe për shkak të bllokimit të vazhdueshëm të trafikut.
Kjo është arsyeja pse tani ka rezistencë në mesin e popullatës: dy javë më parë, rreth 25 persona kanë kaluar vazhdimisht rrugën në vendkalimin e këmbësorëve në Wassen për të ngadalësuar trafikun. Dhe tani një grup interesi planifikon të mbledhë nënshkrime për një peticion. Kështu ata synojnë të ushtrojë presion mbi autoritetet që të bëjnë diçka për trafikun.
Të ngjashme
Të tjera nga Lajme
E-Diaspora
-
Avokati kërkon lirimin e menjëhershëm të shqiptarit të akuzuar për vrasje të dyfishtë Ai mbështetet në rrëfimin e autorit E.B., i cili tashmë është dënuar për këtë rast, një ditë...
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
Jeta në Austri
-
Bora zbardh Austrinë Austria sot është mbuluar nga bora. Mediat raportojnë se në vendet malore, reshjet kanë qenë më...
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa