Një shtetas polak sulmon dy zyrtarë policorë në Kosovë

Një shtetas polak të shtunën është arrestuar, pasi ka sulmuar fizikisht dy zyrtarë policorë.

Ai fillimisht kishte shkaktuar probleme edhe me pasagjerët në aeroportin e Prishtinës.

Sipas raportit të Policisë, njëri nga policët ka pësuar lëndime dhe është dërguar për trajtim mjekësor.

Ndërsa i dyshuari me vendim të prokurorit, fillimisht u dërgua për tretman mjekësor në Psikiatri në QKUK, e më pas është dërguar në mbajtje.

“ANP Adem Jashari, 12.08.2023-13:45. Është arrestuar i dyshuari mashkull, shtetas polak, pasi që i njëjti ka shkaktuar probleme me pasagjerët, ndërkohë i ka sulmuar fizikisht dy zyrtarë policorë dhe, si pasojë, njëri prej tyre ka pësuar lëndime trupore dhe ka pranuar tretman mjekësor. Me vendim të prokurorit, i dyshuari pas tretmanit mjekësor në QKUK (Psikiatri) është dërguar në mbajtje, rasti në procedurë hetimore”, thuhet në raportin e Policisë, përcjell albinfo.ch.