Një maqedonas sulmon me thikë policin zviceran

Një burrë që vuante nga probleme psikike, mes të shtunës dhe të dielës e ka sulmuar një agjent policor me një thikë kuzhine

Një 31-vjeçar me shtetësi të Maqedonisë, i cili vuante nga probleme psikike, e ka sulmuar një polic me thikën e kuzhinës në postin policor të lokalitetit Granges-Paccot, në kantonin e Friburgut. Individi është ndaluar dhe fatmirësisht askush nuk është lënduar.
Personi në fjalë kishte shkuar në polici për të paditur dikë, në orën 1.00 të pasmesnatës. Dhe, në atë moment ai nxjerr thikën dhe tenton ta godasë policin që ndodhej kujdestar në zyrën e policisë. Polici nuk është lënduar falë xhamave të sigurisë. I dezekuilibruari është ndaluar në atë moment. Personi në fjalë, i cili kishte pasur një të kaluar të dhunshme ndaj funksionarëve, i ka pranuar aktet e tij.

Pas një konsultimi, ai është vendosur në një institucion që t’i vihet në ndihmë. Një raport denoncues do t’i përcillet autoritetit përkatës, ka pohuar policia e Fribourg-ut.