Lajme
Një dozë e vaksinës Pfizer u jep njerëzve 85% mbrojtje
Një dozë e vetme e vaksinës së Pfizer dhe Biontech i jep njerëzve 85% mbrojtje nga koronavirusi, sipas një studimi nga Izraeli. Pfizer ka thënë në vazhdimësi se dy doza të vaksinës nevojiten për efikasitet të lartë. Në testet klinike, ai raportoi 52.4 për qind efikasitet pas njërës dozë por 95 për qind efikasitet pas […]
Një dozë e vetme e vaksinës së Pfizer dhe Biontech i jep njerëzve 85% mbrojtje nga koronavirusi, sipas një studimi nga Izraeli.
Pfizer ka thënë në vazhdimësi se dy doza të vaksinës nevojiten për efikasitet të lartë. Në testet klinike, ai raportoi 52.4 për qind efikasitet pas njërës dozë por 95 për qind efikasitet pas të dyjave.
Qeveria britanike, në dhjetor, vendosi të ndiqte një politikë sipas të cilës do t’i jepej sa më shumë njerëzve që të ishte e mundur doza e parë e vaksinës, duke rritur distancën kohore mes dy dozave. Doza e dytë e vaksinës së Pfizer dhe Biontech dhe asaj të AstraZeneca-s dhe Oxfordit, jepet tani 12 javë pas të parës. Vetë Pfizer, nuk ka mbështetur këtë qasje duke argumentuar se vaksina nuk është testuar për të treguar se çfarë efikasiteti do të kishte pas tre muajsh me një dozë të vetme.
Një ekip kërkuesish në Izrael, vend ky që kryeson me programin e tij të imunizimit dhe që po përdor vaksinën e Pfizer dhe Biontech, ka zbuluar se efikasiteti është i lartë edhe para se njerëzit të marrin dozën e dytë. Ata e publikuan analizën e tyre në revistën mjekësore “The Lancet”, dhe sqarojnë se e kanë mbështetur atë në të dhënat e vaksinimit të më shumë se 9 mijë punonjësve të shëndetësisë. Ata zbuluan se efikasiteti rritej me kohën. Përfshirë rastet asimptomatike, efikasiteti ishte 75 për qind.
Njerëzit në Izrael e marrin dozën e tyre të dytë rreth tre apo katër javë pas të parës, por shkencëtarët nuk presin që efikasiteti të zbehet për disa muaj pas një doze të vetme.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
SHKA “Dardania” nga Winterthuri do të marrë pjesë në festivalin folklorik “Hasi Jehon”
-
Kevin Sekniqi, shqiptari i radhës i përfshirë në renditjen e prestigjiozes Forbes
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Austri
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë Në tetorin e vitit të kaluar, një burrë 40-vjeçar nga Kosova u arrestua nën dyshimet se...
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku
-
Pas ndalimit në Serbi linjat e autobuseve Austri – Kosovë vazhdojnë rrugëtimin pa pengesa
-
Lukas Mandl kërkon votën e shqiptarëve në Austri