Nis gjykimi i dy të rinjve: Kanë vrarë shqiptarin për gjakmarrje

Viktima kishte ikur në Gjermani pikërisht për t`i ikur gjakmarrjes dhe atje kishte fituar edhe të drejtën e azilit

11 muaj pas vrasjes së bashkatdhetarit të tyre në qytetin gjerman Vissehövede, dy të rinj shqiptarë kanë dalë sot para trupit gjykues, të Gjykatës së Landit në Verden, (Niedersachsen) të akuzuar për vrasje me motiv të gjakmarrjes. Në janar të këtij viti dyshohet se ata, njëri 23 e tjeri 24 vjeçar, kanë plagosur rëndë në rrugë të hapur, duke shtënë derisa po ngisnin një motoçikletë, në afërsi të një shkolle, shqiptarin 46 vjeçar.

Viktima ka vdekur disa ditë më vonë në spital. Motivi, sipas prokurorisë, duhet të ketë qenë gjakmarrja në mes të dy familjeve që jetonin në Shqipëri. Viktima kishte ikur në Gjermani pikërisht për t`i ikur gjakmarrjes dhe atje kishte fituar edhe të drejtën e azilit.

Ai kishte mbajtur burgun në Shqipëri për shkak të një vrasjeje. Familjarët e viktimës kishin shpallur se do të merrnin hakun për të, përcjell albinfo.ch. Për këtë arsye vrasja e tij në Gjermani konsiderohet si vrasje për gjakmarrje.