Nga Austria, çdo vit vjen për pushime në Batllavë

Muhamet Rushiti, me prejardhje nga Podujeva, tash e sa kohë jeton në Austri. Megjithatë, ai ka vendosur të vijë në Kosovë për pushime, konkretisht në Liqenin e Batllavës.

Sipas tij, Kosova duhet të ndryshojë disa gjëra, në mesin e tyre, edhe rrogat, përcjell albinfo.ch.

“Kosova është e mirë për pushime, është e lezetshme, ka nevojë për ndryshime, në pastërti, vende-vende të bëhet më bukur, rrogat të bëhen më të mëdha, në mënyrë që ta vlerësojmë këtë vend, të vijmë prapë këtu, e jo të jetojmë jashtë”, ka thënë ai.

Ai po ashtu ka treguar se ardhja në Liqenin e Batllavës tashmë është bërë traditë në familjen e tij, me të cilën vjen çdo vit këtu.

I pyetur se ka vërejtur ndonjë ndryshim në këtë liqen, ai ka thënë se e vetmja gjë ndryshe që po e vëren, është “papastërti e madhe”.

Ai vizitoi këtë liqe gjatë 1 majit, Ditës së Punëtorëve, me ç’rast tha se punëtorët në Kosovë duhet të protestojnë në këtë datë.

(Shkrim i nxjerrë nga intervista e Muhamet Reshitit për portalin Arbresh.info)

https://www.facebook.com/arbresh.info/videos/413921526072073/