Netanyahu: Udhëheqësi suprem iranian besohet të jetë gjallë

Keystone

Kryeministri i Izraelit, Benjamin Netanyahu ka deklaruar se mendon që udhëheqësi suprem i Iranit, Mojtaba Khamenei, është gjallë.

Khamnei nuk ka bërë asnjë paraqitje publike që kur pasoi të atin, Ajatollah Ali Khamenei, i cili u vra në sulmet ajrore SHBA-Izrael në fillim të luftës, duke shkaktuar pyetje rreth gjendjes së tij.

Udhëheqësi i ri suprem besohet të jetë plagosur rëndë në sulmin që vrau edhe pesë anëtarë të tjerë të familjes.

Netanyahu deklaroi se cila është gjendja e tij, është e vështirë të thuhet.

“Ai është fshehur në ndonjë bunker ose në ndonjë vend të fshehtë dhe mendoj se po përpiqet të ushtrojë autoritetin e tij. Nuk mendoj se ka të njëjtin autoritet që kishte i ati”, ka deklaruar ai për CBS, transmeton albinfo.ch.

Agjencia iraniane e lajmeve Fars pretendoi të dielën se Khamenei u takua me një shef ushtarak dhe dha “masa të reja udhëzuese për të ndjekur operacionet dhe për t’u përballur me vendosmëri me kundërshtarët”.