Nesimi, punëtor shembullor në Herisau

Më 1 mars të këtij viti, shqiptari nga Maqedonia, Nesim Nesimi ka festuar përvjetorin e tij të 30-të si punëtor në komunën e Herisau-t. Këtu, ai kishte ardhur në vitin 1981 si punëtor stinor, më pas ai u punësua me orar të pacaktuar për përkujdesjen e varrezave në entin e kopshtarisë pranë kësaj komune.

Mënyra e tij konfidenciale dhe miqësore e sjelljes, ka mahnitur banorët e kësaj komune. Përpos punëve rreth varrezave, Nesim Nesimi ndihmon edhe në kopshtari dhe në mirëmbajtjen e varrezave. Në 30 vitet e kaluar, Nesimi ka mihur mbi 3.000 varre.

Në ueb faqen e saj të internetit “www.herisau.ch”, e të transmetuar nga gazeta e përditshme “Tagblatt”, komuna e Herisau-t i shprehë falënderimet e saj të sinqerta Nesim Nesimit, për angazhimin e tij shembullor dhe i dëshiron të gjitha të mirat për më tutje.