Lajme
Zvicër: Zbulohen edhe dy raste të koronës së variantit të Afrikës së Jugut
Në sekuencat e mëtejshme, është zbuluar për herë të parë sot edhe varianti i ri nga Afrika e Jugut, në dy mostra, njofton BAG
Rreth dhjetë ditë më parë, një variant i ri i koronavirusit qe zbuluar në Britaninë e Madhe dhe Afrikën e Jugut, pavarësisht nga njëri-tjetri.
Që nga 24 dhjetori, varianti nga Britania e Madhe është gjetur në tri mostra në Zvicër.
Në sekuencat e mëtejshme, është zbuluar për herë të parë sot edhe varianti i ri nga Afrika e Jugut, në dy mostra, njofton BAG.
Sipas Zyrës Federale të Shëndetit Publik, njëri nga dy personat që dolën pozitivisht ndodhet në kantonin Schwyz ndërsa personi i dytë është në Francë, shkruan albinfo.ch.
Të dy infeksionet janë zbuluar si pjesë e punës aktuale kërkimore në universitetin ETH Cyrih. ETH Cyrihu kohët e fundit ka sekuencuar rreth 500 mostra, përfshirë ata me “mutacionin e Afrikës së Jugut”.
Pas dy rasteve të variantit të Britanisë së Madhe në Cyrih dhe Graubünden, të cilat qenë raportuar në prag të Krishtlindjes, një tjetër rast është shtuar në Principatën e Lihtenshtajnit në ditët e fundit, siç tregojnë analizat nga Spitali Universitar i Bazelit. Personi i prekur është në izolim.
BAG rikujton se të gjithë personat që kanë udhëtuar në Zvicër nga Britania e Madhe ose Afrika e Jugut përmes ajrit ose tokës që nga 14 dhjetori 2020, duhet të hyjnë në karantinë për dhjetë ditë, përcjell albinfo.ch. Ky rregull zbatohet gjithashtu për njerëzit që banojnë në Zvicër të cilët kthehen në Zvicër nga të dy vendet pas Krishtlindjeve.
Të ngjashme
Të tjera nga Lajme
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Austri
-
Gjithçka që ndryshon në Austri nga muaji maj Nga grevat dhe protestat, deri te festat publike (që janë shumë), këtu janë gjërat që do...
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë