Në Suhodoll të Mitrovicës sërish gërmohet për varrezë masive

Lokacioni ndodhet në pjesën veriore të lumit “Ibër”. Një vit më parë aty afër ishin bërë gërmime

Këtë të enjte në fshatin Suhadoll të Mitrovicës ekskavatori i Insitutitit të Mjekësisë Ligjore të Kosovës do të nisë gërmimet në lokacionin ku dyshohet për varrezë me trupa të shqiptarëve të vrarë gjatë luftës.

Lokacioni ndodhet në pjesën veriore të lumit “Ibër”. Një vit më parë aty afër ishin bërë gërmime.

Sipas familjarëve të të zhdukurve, aty ishin gjetur edhe trupa, por që sipas tyre gërmimet nuk ishin zhvilluar si duhej dhe lokacioni nuk ishte vlerësuar në tërësi, shkruan Koha Ditore.

Nga gërmimet e para nuk janë larguar dyshimet se aty mund të ketë trupa të shqiptarëve.