Në sallonin e Gjenevës prezantohet biçikleta inteligjente

Kompania “Qoros” ka prezantuar në sallonin e automjeteve në Gjenevë një biçikletë elektrike

Biçikleta e quajtur „eBiqe“ lëviz me bateri dhe motor krahas pedaleve. Kjo biçikletë mund të ecë me shpejtësi 64km/h në një gjatësi prej 120 km. Biçikleta „eBiqe“ ka edhe një ekran me prekje 5 inç, i cili është i vendosur te timoni.

Ky mund të lidhet me platformën QorosQloud, e cila ndihmon përdoruesit gjatë rrugës për kërkimin e vendeve, për të kontrolluar presionet e gomave të biçikletës e për të karikuar baterinë.

“eBiqe” nga Qoros është projektuar si një alternativë e mobilitetit për levizjet e përditshme, për aktivitetet sportive dhe për të gjetur rrugë që i shmangen tollovive në komunikacion.