Lajme
Në një operacion të rrallë një pacientes iu hoq tumori që peshonte 42 kilogramë
Një ndërhyrje e rrallë është kryer në Milano të Italisë, ku një 49-vjeçareje i është hequr një tumor ovarian në masën 42 kilogramë.
Gruaja u bë e vetëdijshme për tumorin vitin e kaluar kur filloi të shtonte peshë dhe nga 78 kilogramë shkoi në 120 kg. Kur situata u përkeqësua, ajo bëri disa kontrolle dhe me një vizitë gjinekologjike zbuloi se cili ishte shkaku: një tumor ovarian që ishte rritur në mënyrë dramatike, peshonte deri në 42 kilogramë. Dy institucione të ndryshme shëndetësore i thanë se ishte i paoperueshëm, por pasi u konfirmua diagnoza, ndërhyrja shumë komplekse u mor përsipër nga Poliklinika Mangiagalli.
“Kur fillova të shtoja peshë nuk i kushtova shumë rëndësi, sepse nuk kam pasur kurrë dhimbje, derisa kam filluar të marr frymë dhe të eci me shumë vështirësi”, transmeton cnn, përcjell albinfo.ch.
Për të hequr tumorin u deshën katër orë në sallën e operacionit. Dhe pas operacionit dhe qëndrimit disaditor në spital 49-vjeçarja u kthye në shtëpi, ku do të vazhdojë kontrollet për patologjinë e saj.
“Kur u zgjova pas operacionit nuk mund ta besoja, isha shumë e lumtur dhe shumë mirënjohëse. Më dha një shans të vazhdoj të jetoj pranë vajzës sime dhe ta shoh atë të rritet”, komentoi gruaja.
“U desh të hiqej vezorja e djathtë, e cila ishte rritur në mënyrë të pakontrolluar për shkak të tumorit – thonë specialistët – por edhe të rindërtohej muri i barkut, i cili duhej të përshtatej me një masë kaq voluminoze”.
“Tumori së bashku me shtojcat e tij peshonte rreth 42 kilogramë, një dukuri vërtet e rrallë. Pacientja e ka përballuar shumë mirë operacionin dhe ka dalë në gjendje të mirë shëndetësore, në përputhje me patologjinë e saj. Pesha e saj në dalje është rikthyer 78 kg”, thanë mjekët.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Austri
-
Sa vite duhet të punoni në Austri që të keni të drejtën e pensionit? Kur punoni në një vend tjetër, është e rëndësishme të njihni të drejtat tuaja – veçanërisht...
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?
-
Bora zbardh Austrinë