Lajme
Në Ferizaj hapet panairi i prodhimeve bujqësore dhe artizanale
Në kuadër të manifestimeve “Ditëve të Diasporës”, dhe motos “Ti je pjesë e atdheut” në Ferizaj është hapur panairi i prodhimeve bujqësore dhe artizanaleve, ku prodhimet e tyre po ekspozojnë shumë artizanë, prodhues bujqësor nga Kosova, Maqedonia etj.
Sipas një njoftimi për shtyp nga komuna e Ferizaj, qëllimi kryesor i këtij panairi është ruajtja e identitetit kombëtar. Përmes këtij panairi, që karakterizohet për veshje kombëtare, punime dore e ushqime tradicionale, bashkatdhetarëve do t’u prezantohet tradita shqiptare.
Kryetari i Komunës së Ferizajt, Muharrem Svarqa në hapjen zyrtare të panairit, ka thënë se ky panair ka rëndësi shumë të madhe për të gjithë qytetaret ferizajas.
“Ky panair është tepër i rëndësishëm sepse po bëhet promovimi i produkteve vendore të cilat po kultivohen jo vetëm në Komunën e Ferizajt, e cila ka një potencial të jashtëzakonshëm për zhvillimin e bujqësisë. Por duke pasur parasysh potencialet e Ferizajt si një qendër e rëndësishme e Kosovës, qeveria komunale po bën gjithçka që është e mundur që të bëjë subvencionimin dhe intensifikimin, nxitjen e prodhimeve bujqësore si produkte për banorët tanë, por gjithashtu produkte edhe mallra që destinohen për jashtë, i cili treg më shumë po pranon prodhime bujqësore nga Kosova, si produkte mjaft konkurrente për nga kualiteti, cilësia si dhe nga shijimi”, ka thënë Svarqa, duke shtuar se Komunën e Ferizajt kemi 17 mijë hektarë tokë bujqësore e cila është për këtë destinim dhe e cila ka ndikuar dhe po ndikon në vazhdimësi për zhvillime të rëndësishme të kësaj sfere.
“Për të qenë edhe një potencial i mundshëm për hapjen e vendeve të reja të punës, sepse të gjithë këta përfaqësues të panaireve, po tregojnë për mungesën e punëtoreve përkundër asaj ne evidencat tona që kemi numër të madh të pa punëve, gjithashtu kam kënaqësinë që t’ju konfirmojë se komuna e Ferizajt, ka subvencionuar në vazhdimësi të gjitha degët e bujqësisë, por përfundimisht ka ardhur një gjendje që të krijojë mundësinë për kalimin nga bujqësia ekstenzive në bujqësi intenzive përmes subvencionimit të kamatave, përmes Bankës për Biznes, tek të cilët ne si përfitues kemi plasuar afër 600 mijë euro për kamat me të cilat ne synojmë që të vëmë në qarkullim 5 milion në dobi të bizneseve dhe të krijojmë një bujqësi konkurrente një bujqësi që do të zgjidh problemin e ekzistencës për familjet që merren me këtë veprimtari”, është shprehur kryetari Svarqa.
Të tjera nga Lajme
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Avokati kërkon lirimin e menjëhershëm të shqiptarit të akuzuar për vrasje të dyfishtë
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
Jeta në Austri
-
A mund të marr përfitime papunësie në Austri nëse jam i vetëpunësuar? Nëse punoni në Austri si profesionist i pavarur ose i vetëpunësuar, mund të jetë konfuze të...
-
Bora zbardh Austrinë
-
Austri: Dënohet me 15 vjet burg, kosovari që sulmoi të dashurën me thikë dhe kaçavidë
-
Lumir Abdixhiku para bashkatdhetarëve në Vjenë, kërkon mbështetje për Lukas Mandl
-
LDK-ja në Austri organizon takim në mbështetje të Lukas Mandl, merr pjesë edhe kryetari Lumir Abdixhiku