Në botë jetojnë 232 milionë emigrantë

Në vitin 2000 shifra e njerëzve që jetonin jashtë vendit ë tyre të lindjes ishte gjithsej 175 milionë, ndërsa në vitin 1990 154 milionë

Asnjëherë më parë në botë nuk kanë jetuar më shumë njerëz jashtë vendit të tyre se sa aktualisht. Janë gjithsej 232 milionë persona që nuk jetojnë në vendin ku kanë lindur, të cilin e kanë braktisur me detyrim ose me dëshirë.  

Këtë e tregon një raport i ri i OKB-së, sipas të cilit kjo shifër përbën  më shumë se 3 për qind të popullatës së gjithëmbarshme të botës.

Në vitin 2000 shifra e njerëzve që jetonin jashtë vendit ë tyre të lindjes ishte gjithsej 175 milionë, ndërsa në vitin 1990 154 milionë.

Më së shumti emigrantë jetojnë në SHBA, gjithsej 46 milionë veta. Në  vendin e dytë për nga numri i tyre është Rusia, me 11 milionë, pastaj e treta është Gjermania me 10 milionë, Arabia Saudite me 9 milionë dhe Emiratet e Bashkuara Arabe me 8 milionë.

Në Kontinentin e Evropës gjatë vitit 2013 janë shënuar gjithsej 72 milionë emigrantë. Me këtë shifër, Evropa është  në vendin e parë, pak para Azisë e cila ka numëruar 71 milionë sish.