Lajme
Në Aeroportin e Cyrihut protestohet për çështjen klimatike
Dhjetëra aktivistë për çështjen klimatike kanë organizuar një protestë paqësore sot në Aeroportin e Cyrihut, duke denoncuar ndikimin negativ të udhëtimeve ajrore në mjedis, shkruan swissinfo.ch.
Për disa momente ata kanë qëndruar të shtrirë në tokë, e më pas kanë ecur përgjatë zonës së blerjeve dhe kanë shpërndarë fletushka, përcjell në shqip albinfo.ch.
Protesta përkoi me fillimin e pushimeve verore dhe u tolerua, sepse nuk pengoi fluturimet, sipas zëdhënësit të aeroportit, Philipp Bircher, i cili u citua nga agjencia zvicerane e lajmeve Keystone-SDA.
Aeroporti ishte informuar paraprakisht për mbarëvajtjen e protestës. Sipas Stefan Oberlin-it nga Policia Kantonale e Cyrihut, rreth 70 persona morën pjesë në këtë aksion. Protesta nisi në orën 14:00, zgjati disa minuta dhe përfundoi në mënyrë paqësore.
Aktivistët duan që njerëzit ta shmangin udhëtimin ajror nga viti 2020, sipas faqes së internetit flugstreik.earth. Ata besojnë se për ta parandaluar kolapsin ekologjik, shoqëria duhet t’i rishqyrtojë mënyrat e lëvizjes, sidomos udhëtimin ajror, që po konsiderohet mjeti më i dëmshëm i transportit.
Me mbi 100 mijë udhëtarë në lëvizje, në fillim të pushimeve verore, Aeroporti i Cyrihut ishte i mbushur me njerëz gjatës kësaj të shtune.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?