NATO me lajm të mirë për anëtarësimin e Suedisë e Finlandës

Sekretari i Përgjithshëm i NATO-s, Jens Stoltenberg ka deklaruar se Suedia dhe Finlanda do t’i bashkohen zyrtarisht bllokut vitin e ardhshëm.

Stoltenberg nuk ka dhënë një datë të saktë se kur do të ndodhte, por shtoi se ishte i sigurt se procesi i ratifikimit do të finalizohet në kohën e duhur, raporton euronews, përcjell albinfo.ch.

Suedia dhe Finlanda aplikuan për anëtarësim në NATO në maj për shkak të luftës së Rusisë kundër Ukrainës.

Turqia deri më tani ka refuzuar të ratifikojë protokollet e pranimit për t’i hapur rrugën atyre për t’u anëtarësuar në NATO.