Lajme

Musk thotë se përdoruesit mujor të X-it (ish-Twitter) arrijnë një ‘rekord të ri’

E diel, 30 Korrik 2023 - 12:25 albinfo.ch
Keystone (AP Photo/Susan Walsh, File)

Elon Musk të premten tha se përdoruesit mujor të platformës së rrjeteve sociale X, e që më parë njihej si Twitter, kanë arritur një “rekord të ri”, e gjithashtu shpërndau edhe një grafikë e cila shfaqte numrat e fundit, teksa shifra kalonte 540 milionë përdorues.

Postimi i Musk në X mbi shifrat e përdoruesve vije teksa kompania vazhdon të bëjë ndryshime organizative, dhe tenton që të risë fitimet nga reklamat të cilat kishin rënë muajin e kaluar.

Ky postim gjithashtu një nga më të fundit në një seri të komenteve nga udhëheqësit e X të cilët pretendojnë se platforma e tyre ka një tërheqje të madhe në përdorim, dhe kjo pasi që Meta Platforms me 5 korrik e lansoi një platformë rivale të quajtur Threads, raporton Reuters.

Sipas një deklarate të bërë para blerjes së X (Twitter) nga Musk në tetorin e 2022-shit, kjo platformë kishte 229 milionë përdorues mujor aktiv në majin e po atij viti, ndërsa në nëntor Musk kishte thënë se X kishte 259.4 milionë përdorues mujor aktiv.

 Të tjera nga Lajme

Britania i bën thirrje Serbisë: Autorët e sulmit në Banjskë të dalin para drejtësisë

 E-Diaspora

 Jeta në Austri