Minibusi përplaset me kamionin, humbin jetën 12 turistë portugezë

Një minibus që po udhëtonte nga Zvicra në drejtim të Fracës, të enjten mbrëma është përplasur me një kamion në Francën qendore , ku humbën jetën 12 pasagjerë në minibus, që besohet të jetë shtetas portugezë.

Minibusi, për shkaqe ende të panjohura, ka dalë në korsinë tjetër dhe është përplasur direkt me një kamion që vinte nga drejtimi i kundërt, bëjnë të ditur burime lokale, përcjell albinfo.ch.

Shoferi i minibusit dhe dy shoferët e kamionit, dy italianë, u plagosën, por janë jashtë rrezikut.

Vendi ku ndodhi përplasja  thuhet të jetë gjithnjë i rrezikshëm.

Tashmë është iniciuar një hetim për rrethanat që çuan në aksidentin.

Në korrik të vitit 2007 në Alpet franceze kanë humbur jetën 26 pelegrinë polakë.