Mimoza Kusari-Lila, femra më e votuar në zgjedhjet e fundit

Mimoza Kusari-Lila, femra më e votuar në zgjedhjet e funditPrishtinë, 21 janar – Nënkryetarja e AKR-së, Mimoza Kusari-Lila është femra më e votuar në zgjedhjet e jashtëzakonshme parlamentare. Në zgjedhjet e 12 dhjetorit dhe rivotimet e pjesërishme më 9 janar, ajo ka grumbulluar 18 720 vota.Në një listë jozyrtare të siguruar nga Koha Ditore, shkruan sot se  Kusari-Lila rezulton të ketë fituar afro shtatë mijë vota më shumë se sa zëvendësministrja në largim, Vlora Çitaku nga PDK, që ka fituar 11 831 vota.  Ndërsa, sipas kësaj liste, më i votuari i ARK-së del të jetë kryetari i saj, Behgjet Pacolli me 27 375 vota, pas të cilit radhitet Ferid Agani, kryetari i Partisë së Drejtësisë, e cila ka lidhur koalicion parazgjedhor me AKR-në.  Agani ka gjithsej 23 707 vota. Kusari-Lila është e treta me radhë në këtë listë, ndërsa pas saj vjen kryetari i Partisë Socialdemokrate, Agim Çeku  me 13 098 vota, po ashtu ishte në listën e përbashkët me AKR-në. Muhamet Mustafa, përfaqësues i Grupit E15, që po ashtu u bë pjesë e koalicionit parazgjedhor me AKR-në, ka fituar 10 160 vota, i pasuar nga Ibrahim Makolli, nënkryetar i AKR-së, i cili ka marrë 6 484 vota.Femra e dytë më e votuar në AKR është ish-kryetarja e Komisionit parlamentar për ekonomi, Myzejene Selmani, me 2 058 vota, pas së cilës vjen Sevdije Lama me 1 834 vota.AKR-ja ka fituar 7.3 për qind të votave në këto zgjedhje, nga të cilat tetë ose nëntë ulëse në Kuvend. Bazuar në këtë rezultat në Kuvend, si deputetë nga radhët e kësaj partie dhe koalicionit, do të mund të ulen Pacolli, nëse nuk merr ndonjë post politik, Ferid Agani, Mimoza Kusari-Lila, Agim Çeku, Muhamet Mustafa, Myzejene Selmani, Ibrahim Makolli, Amir Ahmeti I Partisë së Drejtësisë dhe, ndoshta, edhe Sevdije Lama.Por, asnjëri nga ish-deputetët e tjerë të kësaj partie, përfshirë edhe Ibrahim Gashin, ish-anëtar i Kryesisë së Kuvendit dhe anëtar i Komisionit parlamentar për Punë të Jashtme, nuk kanë arritur të mbledhin as mbi pesë mijë vota nga të gjitha rajonet e Kosovës, për këto zgjedhje. Gashi ka marrë vetëm 2 417 vota në këto zgjedhje.Ndërsa, rivotimi në Mitrovicë, këtë të diele, pak se pritet të ndryshojë rezultatet në koalicionin Kosova e Re, e përbërë ngë AKR dhe shtatë subjekte të tjera politike.