Lajme
Mesazhi i urimit të komunitetit mysliman shqiptar në Zvicër për Festën e Kurban Bajramit
"Tek All-llahu nuk arrin as mishi e as gjaku i tyre, por te Ai arrin bindja juaj. Ai ashtu ua nënshtroi ato juve që ta madhëroni All-llahun për udhëzimet që ua bëri. Bamirësve merru myzhde.” (El-Haxh, 37.)
Të nderuar vëllezër e motra, imamë, kryetarë të xhamive anëtarë të KMSHZ-së dhe gjithë ju xhematlinj të nderuar!
Kam kënaqësinë që në emër të kryesisë së KMSHZ-së dhe në emrin tim personal, t’jua uroj Kurban Bajramin, duke e lutur Zotin e Madhërishëm që t’i pranojë prej nesh adhurimet dhe punët e tjera të mira, në veçanti kurbanat, që janë simbol i kësaj feste.
Festa e Kurbanit, apo siç njihet në vokabullarin e popullit tonë Kurban Bajrami, këtë vit dhe vitin e kaluar, na vjen në një kohë kur gjendja pandemike ende vazhdon të jetë prezente në shumë vende me masa të caktuara kufizuese, që më dukshëm manifestohet në kryerjen e kushtit të pestë të Islamit, Haxhit. Megjithatë, gëzimi, hareja dhe urimet do të vazhdojnë ta zbukurojnë festën e Kurbanit dhe ta mposhtin ankthin e pandemisë.
Po ashtu, këtë vit Kurban Bajrami i gjen bashkatdhetarët tanë në një numër të madh me pushime në vendlindje, dhe kjo është një ndjenjë e veçantë që ta kalojnë këtë Bajram së bashku me familjen më të gjërë në trojet tona etnike.
Kurbani në qenësinë e tij e reflekton natyrën humane të myslimanit dhe nivelin e lartë të përgjegjësisë për qenien njeri, për shoqërinë dhe dashurinë e thellë që myslimani e ushqen ndaj kësaj krijese të dalluar të Allahut, njeriut, si dhe gatishmërinë e tij që ta lufton diskriminimin e njeriut në bazë të pozitës sociale. Madje, Islami aq lart e vlerëson njeriun, pa bërë dallime sociale, sa që për të varfërit i obligon pjesëtarët e vete që të festojnë, që në fakt, festojnë për humanitet, solidaritet, barazi sociale dhe dashuri ndaj njeriut.
E lusim Allahun e Madhërishëm t’i pranojë adhurimet tona në këto ditë të bekuara të këtij muaji të shenjtë, të na mbrojë neve, familjet tona dhe të gjithë njerëzimin nga të këqijat e të gjitha natyrave, dhe kalofshi ditë të këndshme ne trollin ku u përkundët në djep, e u kthefshi shëndosh e mirë në vendet e punës.
Me fat festa e madhe e Kurban Bajramit!
Mehas Alija
Kryetar i KMSHZ-së
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?