Mes viktimave nga tërmeti në Turqi, edhe 3 shtetas amerikanë

Keystone (DIA Images via AP)

Raportohet se të paktën tre shtetas amerikanë kanë humbur jetën në tërmetet që goditën Turqinë jugore në fillim të kësaj jave, tha një zëdhënës i Departamentit të Shtetit, përcjell albinfo.ch.

“Mund të konfirmojmë raportimet për të paktën tre shtetas amerikanë të vdekur në Turqinë juglindore. Stafi ynë në Turqi dhe këtu në Shtetet e Bashkuara po punojnë pa u lodhur për të ofruar ndihmë konsullore për këto viktima dhe anëtarët e familjeve të tyre”, shtoi ai.

Departamenti po punon ngushtë me autoritetet lokale dhe organizatat e tjera partnere për të ndihmuar çdo qytetar amerikan në zonat e prekura.

“Shprehim ngushëllimet tona më të sinqerta për viktimat dhe familjet e të gjithë të prekurve”, shtoi zëdhënësi amerikan.