CH-Ballkani
Mediet gjermane mbi çmendinë e gazetave serbe dhe “dënimin nga Zoti” në Paris
“Zjarri i bie të jetë një hakmarrje e Perëndisë për ngritjen e Flamurit të Kosovës në Notre-Dame me rastin e një përvejtori në nëntorin e kaluar", shkruajnë mediet në gjuhën gjermane
Teksteve skandaloze të dy gazetave serbe të cilat zjarrin në katedralen Notre Dame të Parisit e quajnë “ndëshkim nga Zoti”, i kanë bërë jehonë një numër i konsiderueshëm i mediave në gjuhën gjermane. Në Zvicër, gazetat si Tages Anzeiger, Berner Zeitung, Blick, ashtu si dhe agjencia e lajmeve SDA, kanë raporuar mbi këtë “xhevahir” të radhës të gazetave bulevardeske të fqinjit tonë verior, shkruan albinfo.ch. Po ashtu edhe televizioni gjerman i lajmeve NTV sikurse edhe gazeta dhe mediume tjera, austriake e gjermane janë marrë me këtë skandal.
“Zjarri i bie të jetë një hakmarrje e Perëndisë për ngritjen e Flamurit të Kosovës në Notre-Dame me rastin e një përvejtori në nëntorin e kaluar”, shkruajnë mediet e përmendura. “I zuri Zemërimi i Perëndisë”, mund të lexohej të hënën në faqet e internetit të gazetave “Alo” dhe “Informer”, pak pas shpërthimit të zjarrit.
Po për çfarë do të “zemërohej perëndia” kaq keq me Francën?
Gjatë një manifestimi përkujtimor kushtuar 100 vjetorit të përfundimit të Luftës së Parë Botërore, në nëntorin e vitit të kaluar në Katedralen Notre-Dame të Parisit ishin ngritur flamujt e vendeve të të gjithë mysafirëve të ftuar, në mesin e tyre edhe ai i Kosovës, përcjell albinfo.ch. Serbia, e cila nuk e pranon pavarësinë e Kosovës, ishte ankuar atëbotë për një “skandal”.
Ajo që edhe më shumë i ngarkonte marrëdhëniet serbe-franceze ishte fakti se presidenti i Kosovës, Hashim Thaçi ishte ulur në tribunën e nderit ndërkohë që homologut të tij serb, Aleksandar Vuçiç, i ishte rezervuar një vend më pak prestigjioz.
Tash “Alo” konstaton se zjarri i madh në Notre-Dame është ndëshkim për faktin se në nëntor “ishte pështyrë mbi viktimat serbe në Luftën e Kosovës”.
Presidenti Vuçiç, natyrisht, i ka shprehur ngushëllimet e veta Francës dhe ka shprehur gatishmërinë për të ndihmuar.
Të dy gazetat e afërta me psuhtetin, “Alo” dhe “Informer” ndërkohë kanë tërhequr artikujt nga faqet e tyre në mbrëmjen e të hënës.
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998